Dy të rinj janë arrestuar sot në Tiranë, pas denoncimit të një biznesmeni për gjobëvënie. Altin Vasili dhe Durim Dervishi kanë rënë në pranga e policisë, pas mesazheve kërcënënuese që i dërgonin biznesmenit Piro Zoto. Për ta trembur biznesmenin, Altin Vasili dhe Durim Dervishi i shkruanin mesazhe ku prezantoheshin me emrin Altin Shullazi.
Biznesmeni që zgjodhën për t’i vënë gjobë shiste xhama dhe dy të rinjtë blinin materialet tek biznesi i Piro Zotos në autostradën Tiranë-Durrës. Shuma që duhej të paguante ishte 10 mije euro. Përndryshe në celular i vinin kërcënime me vdekje nga “Altin Shullazi”. Pas denoncimit të Zotos, policia zbuloi se mesazhet vinin nga celulari i babait të Altin Vasilit. Në shtëpinë e njërit nga të ndaluarve u gjet dhe një armë e tipit Kallashnikov.
http://www.dailymotion.com/video/x5ez1hs_kapja-e-dy-gjobevenesvene-tirane_news